Ser taximê nû yê Ronaldo, Al Nassr çend malumat

Al Nassr ya Erebistana Saudî bi transferkirina stêrkê futbolê Cristiano Ronaldo ket rojeva futbolhezan.

Agahîyên ajansên navneteweyî raber dikin ku ew taxima Rîyad ya payxta Erebistana Saudî di 1955an de hatiye avakirin.

Di halê hazir de Al Nassr di Lîga Profesyonele ya Saudî (SPL) de dilîze.

Ew taxim herî dawî di sezona 2018-19 de bûye şampîyon û heta niha 9 şampîyonîyên wê hene.

Bi van şampîyonîyên xwe Al Nassr li dû Al Hilal tê ku ew heta niha di lîgê de 18 caran bûye şampîyon.

Al Nassr dide zanîn ku Ronaldo yê 37 salî dê heta 2025an bilîzê, lê wê heta niha detayeke fînansî nedaye.