ZINDÎ- Roja 17emîn ya erdhêjê

Hejmara kesên di erdhejên bi navenda Mereşê de jiyana xwe ji dest dan derket 42 hezar û 310an.

Serokatiya Rêveberiya Afet û Rewşa Awarte (AFAD) li ser rewşa heyî daxuyaniyek belavkir.

AFAD ragihand ku li Mereş, Antep, Riha, Amed, Edene, Osmaniye,Hatay, Kilîs, Meletî û Elezîzê bi tevahî 448 hezar û 18 kes hatin tehliyekirin.

Ji kar derxistina karkeran hate qedexe kirin

Bi biryara Serokomar Recep Tayyîp Erdogan li 10 parêzgehên ji kar derxistina karkeran hate qedexe kirin.

Wezîr Soylu:  Dê ji bo wan mirovên li herêma erdhêjê alîkarî bên kirin

Wezîrê Karên Navxweyî Suleyman Soylu dîyar kir ku ketina malên ku ji erdhejê zirareke mezin dîtine qedexe ye.

Soylu got, "hem AFAD û hem jî Wezareta Malbat û Xizmetên Civakî dê eşyayan bidin wan malbatan."

Ji muxalefetê li dij gotinên Erdogan bertek

Serokomar Recep Tayyîp Erdogan, ji bo kesên kêmbûna alîkariyan rexne dike peyvên, "bêexlaq, bêrûmet," bi kar anî bû.

Li hemberî gotinên Erdogan muxalefetê jî got, "Xeberan nede, îstifa bike."