21 hezar penaberên Iraqî li kampên Herêma Kurdistanê ne

Wezareta Koçberî û Koçberan a Iraqê ragihandiye ku 21 hezar koçberên Iraqî li kampên Herêma Kurdistanê dijîn.

Berdevkê Wezareta Koçberî û Koçberan a Iraqê Elî Ebas ji Rûdawê re li ser hejmara penaberan li Herêma Kurdistanê agahî dane. Elî Ebasî diyar kiriye ku pêvajoya vegerîna penaberan bo malên xwe berdewam e.

Li gorî Elî Ebasî:

• Niho 21 hezar penaberên Iraqî li kampên Herêma Kurdistanê mane.
• Li kampên Duhokê 18 hezar kes hene.
• Li kampên Hewlêrê 3 hezar kes hene.
• Li Silêmaniyê êdî ti kampên penaberan nemane.

Kampên penaberan li Herêma Kurdistanê

Li Hewlêr û Duhokê 22 kampên penaberan hene:

• 18 kamp li Duhokê ne
• 4 kamp li Hewlêrê ne

Li gorî Wezareta Koçberî û Koçberan, herî dawiyê 406 penaber ji Kampa Dibegê ya Hewlêrê derketine û çûne Neynewayê.

Wezareta Koçberî û Koçberan a Iraqê piştrast kir ku ev koçber bi alîkariya Herêma Kurdistanê vegeriyane malên xwe.

Çavkanî: Rûdaw