Civaka Êzidîyan cejna Çarşema Sor pîroz dikin

Êzidî li gorî salnameya Rûmîyê çarşema pêşiyê ya piştî 13ê Nîsanê wekî cejna Çarşema Sor pîroz dikin.

Di çand û jîyana civata Êzidîyan da Çarşema Sor xwedî cîhekî pir girîng e.

Li gor bawerîya ola Êzidîyan cîhan di vê rojê da çêbûye û Tawusê Melek ji asîmanî daketiye, hatiye erdê.

Li gor Êzidîyan di vê rojê da roj tîna xwe zêdetir dike, dar û ber, çol û çîya bi kulîlkan dixemilin.

Civaka Êzidîyan ji bo pîrozbahîya Çarşema Sor, serdana Laleşa Nûranî ya li Şêxanê dikin ku li Dihokê ye.

Di vê cejnê da hêk tên boyaxkirin, xort û keç kulîlkên Nîsanê hildigrin û dixin stûyê hev.