Eskerên Îsraîlê: Hemas hê jî li Xezeyê xurt e
Berpirsên payebilind ên artêşa Îsraîlê di 21ê çirîya paşiyê ya 2024ê de ragihandine ku Hemas wek desthilat li Xezeyê hê jî bi hêz e û ihtîmala rûxandina wê kêm e.
Sedema xurtbûna Hemasê
Li gor berpirsên leşkerî, piranîya xelkê Xezeyê di 14 mehên şerî de eskerên Îsraîlê nedîtine. Ji ber ku ti alternatîfeka Hemasê tune ye, rêxistin hê jî wek hikûmet tê qebûlkirin.
Karûbarên rêveberîyê
Hemas, li gorî çavkanîyan, dest bi dayîna meaşan kiriye û ji nû ve nexweşxaneya Rentîsî li bakurê Xezeyê vekiriye. Herwiha rêxistin kontrola bihayan li bazaran dike û di belavkirina alîkarîyan de rol dilîze.
Dîlên Îsraîlî asteng in
Berpirsên leşkerî dibêjin ku hebûna dîlên Îsraîlî li Xezeyê astengeka mezin e ji bo têkbirina Hemasê. Ev rewş rê li ber êrîşên bêsînor digire û dibe sedema ku Hemas xwe ji nû ve ava bike.
Çavkanî: Botan Times , Middle East Eye
