Gelo Rûsyayê balafira Azerbaycanê xistiye an na? - The Guardian

Balafireka Azerbaycanê roja Noelê li Qazaxistanê ketîye. 38 kes di qezayê de mirine. Rûsya û Qazaxistan texmînên der barê sedemên qezayê de red dikin.

Ukrayna îdîa kir ku balafir hatîye xistin

Endriy Kovalenko, rayedarê Ukraynayê îdîa kirîye ku pergala parastina hewayî ya Rûsyayê balafir xistîye. Li gorî wî, di vîdeoya hundirê balafirê de çaketên xilaskirinê yên qulkirî xuya dikin.

Balafir ji rêya xwe derketîye

Balafir ji Bakûyê ber bi Groznîyê ve diçû. Lê li nêzî Aktawê ya Qazaxistanê ketîye. 29 kes di qezayê de sax mane.

Flightradar24ê diyar kirîye ku balafirê berî ketinê "GPS jamming"eka xurt dîtîye. Ev yek bûye sedema şandina daneyan xelet.

Blogerên şer ên Rûs behsa qulên teqînê dikin

Kanala Telegrafa Fighterbomber dîmenên qulên li ser balafirê belav kirine. Kapîtanê artêşa Rûsyayê yê ku vê kanalê bi rê ve dibe, dibêje ev qul ji ber teqîneka bi parçeyan çêbûne. Li gorî wî, ne mumkin e ku ev qul ji ber lêketina çûkan çêbûbin.

Qazaxistan: Em ti naveşêrin

Serokê Senatoya Qazaxistanê Aşimbayev Maulen gotîye ku sedemên qezayê hê ne dîyar in. Wî got ku tu ji van welatan agahîyan naveşêrin.

Lêkolîn dewam dike

Qutîya reş a balafirê hatîye dîtin. Ji 29 kesên birîndar 11 kes di lênihêrîna giran de ne.

Rûsyayê 9 welatîyên xwe yên sax mayî veguheztine Moskovayê. Di nav wan de zarokek jî heye.

Çavkanî: Botan Times The Guardian