Hejmara rojnamevanên desteserkirî bûye 9

Roja 26ê Çirîya paşiyê ya sala 2024ê Serdozgeriya Komarî ya Eskîşehirê dema desteserkirina 9 rojnamevanan rojekê dirêj kiriye. Herî dawî rojnamevana azad Havin Derya li Antalyayê hatiye desteser kirin.

Veguhastina Eskîşehirê bi awayekî ne mirovî pêk hatiye

Rojnamevanên ku li Stenbolê hatine desteser kirin, êvarî bi wasiteyeka polîsan hatine veguhastin bo Eskîşehirê. Di dema rêwîtiya 8 saetan de rojnamevan bi kelepçe hatine girêdan û destûr nehatiye dayîn ku bi hev re biaxivin.

Parêzeran îtiraz kirine

Parêzerên bianetê ji bo rojnamevana xwe Tuğçe Yılmaz îtirazeka hiqûqî pêşkêş kirine. Parêzer Deniz Yazgan Şenay gotiye ku ji ber nehînîbûna lêpirsînê, negihîştine dosyeyê û ev yek ne li gor hiqûqê ye.

Îtiraz di 3 saetan de hatiye red kirin

MLSAyê ji bo rojnamevan Erdoğan Alayumat îtirazek pêşkêş kiriye. Lê Dadgeha 2. ya Cezayê Aştiyê ya Eskîşehirê di nav 3 saetan de ev îtiraz red kiriye. Li gor dadgehê, desteserkirin ji ber "endamtiya rêxistinê" pêk hatiye.

Desteserkirina rewşenbîr û hunermendan

Di nav kesên hatine desteser kirin de gelek rewşenbîr û hunermend jî hene. Derhêner Ardin Diren, helbestvan Hicri İzgören, nivîskar û wergêr Ömer Barasi, karîkaturîst Doğan Güzel û hunermendê wêneyê Emrah Kelekçier ji wan in.

Li Diyarbekirê rewş cida ye

Rojnamevanên ku li Diyarbekirê hatine desteser kirin, nehatine veguhastin bo Eskîşehirê. Tê payîn ku îfadeya wan îro were girtin.

Çavkanî:

• Botan Times
• bianet