31ê Adarê li hemî bajar û navçeyên Tirkiyeyê ji bo birêvebirîya şaredarîyan hilbijartin dê bê kirin.

Hilbijartin dê li 81 bajar, 973 navçe û 390 beldeyan bê kirin. Di hilbijartinê de 34 partî dê rikeberîyê bikin.

Milyon û 32 hezar û 610 ciwan dê cara yekê dengê xwe bidin.

12:21 - Amed, Sûr

GGC: Di hilbijartinê de rojnamegeran ji çekdaran biparêzin

Komeleya Rojnamegeran a Başûrê Rojhilatî (GGC) bi daxuyanîyekê eşkere kiriye ku li gundekê Amedê dema ji bo mixtarîyê pevçûna çekdarî çêbûye, bi çekan êrîşî rojnamegeran jî hatiye kirin.

GGCyê ji rayedaran xwestiye ew rojnamegeran biparêzin.

https://www.ggc.org.tr/acil-cagri-gazetecilerin-can-guvenligini-saglayin/

12:15 - Amed / Sûr

Rûdaw: Di pevçûnên ji bo mixtarîyê de kesek hatiye kuştin û 11 kes birîndar bûne

Li gorî agahiyan, dema li Cirnikê dengdanê berdewam dikir du grûp bi dar, kevir û çekan pev çûn.

Li gorî agahiyên destpêkê, kesek hat kuştin û 11 birîndar hene.

12:00 - Enqere

Serokê Lijneya Bilid a Hilbijartinan: Ne mimkin e, cihê ti kesê guherîbe!

Serokê Lijneya Bilid a Hilbijartinan, Ahmet Yenerî diyar kiriye ku heta niho ti kesên cihê wan ê hilbijartinê hatî guhertin nehatiye tespîdkirin û ne mimkin e tiştek welê hebe.

https://www.botantimes.com/content/files/2026/05/seroke-lijneya-bilid-a-hilbijartinan-ne-mimkin-e-cihe-ti-kese-guheribe-1.html

11:54 - Amed

Ekspres: Li navçeya Sûrê di pevçûnên hilbijartinê de gelek kes birîndar bûne

Li gor nûçeya rojnameya herêmî ya Amedê, Ekspres Haberê li gundekê navçeya Sûrê ya Amedê ji ber hilbijartinê pevçûn derketine û gelek kes birîndar bûne.

https://www.botantimes.com/content/files/2026/05/ekspres-li-navceya-sure-di-pevcunen-hilbijartine-de-gelek-kes-birindar-bune-1.html

11:40 - Şirnex

Dem Partî: Cihê dengdanê yê leşkeran hatiye guhertin

Wekîlên Dem Partîyê îdia kirine ku li bajarên Şirnex, Mêrdîn, Colemêrg û Amedê cihê dengdanê yê leşkeran hatiye guhertin. Wekîlan ji bo piştgirîya vê agahîyê biki vîdeo jî parve kirine.

https://www.botantimes.com/content/files/2026/05/dem-parti-cihe-dengdane-ye-leskeran-hatiye-guhertin-1.html