Îsraîlê di sala 2024ê de Hizbullah qels kiriye: Rêxistin êdî nikare wek berê tevbigere

Hizbullahê di sala 2024ê de guherîneka mezin derbas kiriye û di encama êrîşên Îsraîlê de zirareka mezin dîtiye. Li gorî çavkanîyan, rêxistin êdî nikare wek berê di nav sînoran de tevbigere.

Kuştina serok û rûxandina navendan

Serokê Hizbullahê Hesen Nesrullah di êrîşeka Îsraîlê de miriye. Îsraîlê bi dronan û balafiran gelek cîhên rêxistinê rûxandine. Di nav van de, depoyên çekan, tûnelên binerdê û navendên leşkerî hebûne. Her wiha gelek endamên payebilind ên rêxistinê jî di êrîşan de hatine kuştin.

Guherîna di hevkêşeya herêmê de

Piştî agirbesta di navbera Îsraîl û Hizbullahê de, rewşa herêmê bi temamî guheriye. Hizbullah niho ne tenê li Libnanê, lê li tevahîya herêmê qels bûye. Ev yek bandor li ser hêza Îranê ya li herêmê jî kiriye. Li gorî pisporên ewlekarîyê, Îsraîl bi vê yekê kariye hêza Îranê ya li herêmê kêm bike.

Paşeroja têkilîyên herêmî

Şirovekaran gotiye ku Îran dê piştgirîya xwe ya ji bo Hizbullahê bidomîne. Lê belê, rêxistin dê êdî bi qasî berê bi hêz nebe. Li gorî çavkanîyan, Îran dikare berê xwe bide Hûsîyan li Yemenê û milîsên Şîe yên li Iraqê. Ev yek dê bandor li ser hemû herêmê bike.

Bandora şerî li ser Libnanê

Di şerî de beşeka mezin ya Libnanê zirar dîtiye. Li gorî lêkolîneran, ev yek dibe ku bibe sedema beşdarîya ciwanên nû di nav rêxistinê de. Hizbullahê berîya şerî 50 hezar çekdar hebûn û ji wan gelek kes hê jî dijîn.

Helwesta Îsraîlê

Serokwezîrê Îsraîlê Benyamîn Netanyahu gotiye ku Hizbullah êdî ne wek berê ye û wan kariye rêxistinê bi dehan salan paş ve bibin. Lê belê, hin şirovekar dibêjin ku ev helwest dikare bibe sedema xeletîyeka mezin, wek ya ku berîya êrîşa 7ê Çirîya pêşiyê ya HAMASê rû dabû.

Paşeroja Hizbullahê

Rêxistin di sala 2006ê de jî ketibû şerê mezin bi Îsraîlê re û piştî wî şerî xwe ji nû ve ava kiribû. Piştî şerê Sûrîyê jî, endamên rêxistinê ezmûneka mezin a şer bi dest xistibû. Lê rewşa niho cida ye û bandora vî şerî li ser rêxistinê wê demeka dirêj bidome.

Çavkanî: