Japonîya Japonyayê bi zimanê Kurdî dide naskirin: Erîka

Celadet Alî Bedirxan di Hawarê de ji bo welatê "Japan" dibêje Japon û ji bo xelkê wê derê dibêje Japonî lê ji ber perwerdeya zimanê tirkî îro li Bakur em ji bo wî welatî dibêjin Japonya û ji bo xelkê wê derê jî dibêjin Japon.

Her ji ber perwerdeyê xelkê Başûr jî dibêje Yaban û Yabanî. Ji ber ko di erebî de herfên -J û -P nîne li şûna wan Y û -B hatiye danîn. Japan dibe Yaban. Heta ko "Pepsî" jî dibe "Bibsî".

Erîka Ueda hunermendeka Japon e û navê qenala wê "Japan bi Kurdî" ye. Li YouTubeyê weşanê dike û bi zimanê kurdî behsa welatê xwe dike.