Ji ber çi The Guardian dê hesabên xwe yên Xyê bigire

Rojnameya Brîtanî The Guardianê biryar daye ku hesabên xwe yên fermî li ser platforma Xyê bigire. Li gorî daxuyanîya ku di 13yê Çirîya paşiyê ya sala 2024ê de hatiye ragihandin, platforma medya civakî teorîyên komployî û naveroka tûndrew belav kiriye.

Biryar û sedemên wê

Guardian dibêje ku X di hilbijartina serokatîya Amerîkayê de bûye cihê naverokên jehrî. Xwedîyê platformê Elon Musk jî bandora xwe bi rengekê siyasî bi kar anîye. Li gorî rojnameyê, bikaranîna platformê êdî ne bi feyde ye.

Guhertinên di weşanê de

Guardian ê niho bêtir bala xwe bide ser malpera xwe ya fermî. Lê dîsa jî bikarhênerên X dikarin nûçeyên rojnameyê parve bikin. Rojnamevanên Guardianê jî ê ji bo berhevkirina nûçeyan platformê bikar bînin.

Berê bi ku ve diçe

Guardianê dîyar kiriye ku wê modela xwe ya aborî li ser piştgirîya xwendevanan ava kiriye, ne li ser naveroka medya civakî. Ji ber vê yekê, rojname dixwaze xwendevanên xwe rasterast li ser malpera xwe bibîne.

Çavkanî:

• The Guardian
• Botan Times