Li 10 gundên Bedlîsê qedexeya çûn û hatinê hatîye ragihandin

Li navçeya Hîzanê ya Bedlîsê bo 10 gund û mezra qedexeya çûn û hatinê hatiye ragihandin.

Li gor daxuyanîya parêzgarîya Bedlîsê bi hinceta “parastina can û malê welatîyan” li gundên Bilgili, Akunus, Govan, Lanilan, Xulepur, Kekulan, Sureh, Pertacan, Kuran û Urehê ser bi navçeya Hîzanê bo heta ragihandineka nû biryara qedexekirina çûn û hatinê hatiye dayîn.

Li gor daxuyanîya parêzgarîyê qedexe îro saet 21:00an dest pê kiriye û dê heya ragihandineka duyem bidome.

Di daxuyanîya parêzgarîyê da hate beyankirin ku:

Hatiye tespîtkirin ku li herêmê endamên rêxistina terorê stargehên xwe çêkirine. Ji bo girtina wan kesan li wê herêmê û parastina can û malê welatîyan,  Îdareya Bajêr roja Yekşemê 2yê Tîrmeha 2023yan seat 21:00an heta ragihandineka nû çûn û hatina derve hatiye qedexekirin.”