Li Amedê kesekî êrişî rojnameger Maşallah Dekak kir
Li Amedê kesekî êrişî nûçegehinê Rûdawê Maşallah Dekak kir.
Rojnameger Mahmut Bozarslan li ser hesaba xwe ya Xê vîdeoyek belav kir ku di vîdeoyê da kesek êrişî Dekak dike û ew kes xeberan dibêje.
Di encama êrişê da zîyan nagehije çi kesê.
Di vîdeoyê da ew kes dibêje 'ev der komara cumhurî ya Tirkîyeyê ye bi aqil bin' û xeberan dibêje.
Gelek rojnameger ji bo şopandina seredana serokê Deva Partîyê Ali Babacan civîyabûn û êriş wê gavê pêk hat ku ew bûyer ji alîyê rojnamegerên din ve hate girtin.
Güneydoğu Gazeteciler Cemiyeti (GGC) Cemîyeta Rojnamegerên Başur-Rojhilatê derbarê êrişa li ser Maşallah Dekak daxuyanîyek parve kir: Ev êriş, ne tenê li ser rojnamegerekî di heman demê da li ser çapemenîya azad û nirxên demokratîk jî hatîye kirin. Em vê êrişa li ser hevkarê me rojnameger Maşallah Dekak bi tundî şermezar dikin. Berpirsên vê bûyerê divê demildest bo edaletê bêne teslîmkirin.
