Li sê bajaran rojnamevan hatine desteser kirin

Îro sibê li Stenbol, Batman û Diyarbekirê operasyoneka polîsan pêk hatiye û şeş kes hatine desteser kirin. Li gorî agahîyan, operasyon bi lêpirsîneka li Eskîşehirê hatiye kirin.

Kî hatine desteser kirin?

Li Stenbolê rojnamevan Erdogan Alayumat û Bilge Aksu, li Diyarbekirê seroka Komeleya Rojnamevanên Jin ên Mezopotamyayê Roza Metina û Ahmet Sumbul, li Batmanê Mehmet Uçar û derhêner Ardin Diren hatine desteser kirin.

Îfadeya rojnamevaneka dî hatiye xwestin

Nûçegihanê Bianetê Tugçe Yilmaz jî ji alîyê polîsan ve hatiye gazî kirin. Yilmaz bi parêzera xwe Deniz Yazgan Şenay re çûye Rêveberîya Emnîyetê ya Kadikoyê.

Lêgerîna li malan

Li gorî agahîyan, polîsan li mala Gulcan Derelî jî lêgerîn kiriye. Lêbelê, sedema desteserkirinê hê ne dîyar e. Li ser dosyayê biryara nehênîyê heye.

----

Çavkanî:

• Botan Times
• Bianet