Artêşa Îsraîlê ragihandiye ku Îranê fûzeyên balîstîk berdane bakurê Îsraîlê. Piştî agirbesta meha Nîsanê ev êrîşa yekem e. Agirbestê şerê di navbera Amerîka, Îsraîl û Îranê de rawestandibû û şer berî du mehan sekinîbû.
Karbidestên Îranê berî vê êrîşê gef xwaribûn. Îsraîlê herêma başûrê paytextê Libnanê Beyrûdê bomberan kiribû. Ev bomberan li dijî çekdarên Hizbullahê çêbûbû. Hizbullah hevalbenda Îranê ye. Heta niho tu agahî li ser mirina mirovan tune ne.
Şerê meha Sibatê û aborîya cîhanê
Amerîka û Îsraîlê di dawîya meha Sibatê de êrîşî Îranê kiribû. Wan şerekî giran ê hewayî pêk anîbû. Bi dron, balafir û fûzeyan şerekê giran hebû. Vî şerî çend hefteyan dom kiribû. Di vê demê de bi hezaran mirov mirine. Pirranîya van mirovan li Îran û Libnanê bûn. Vî şerî aborîya cîhanê jî xirab kiribû.
Îranê jî bi fûzeyên balîstîk û dironan bersiv dabû. Îranê ne li hesaban fûze berdan Îsraîlê. Herwiha Îranê êrîşî hevalbendên Amerîkayê yên li Kendavê jî kiribû.
Hewldanên agirbestê û Donald Trump
Ji destpêka meha Nîsanê hir ve her sê dewletan agirbesteka sist diparast. Di vê demê de Serokê Amerîkayê Donald Trump xwest bi Îranê re li hev bê.
Danûstandinan heta niho encameka mezin bi dest nexist. Serokê Amerîkayê Trump got ku peyman nêzîk e. Lê danûstandin hîn jî berdewam dikin.
