Tirkiye di “Rapora Nirxên Demokratîk” de têk çû

Di civaka demokratîk de mafê gel heye ku nûnerên xwe bi xwe hilbijêrin. Divê ev hilbijartin bi awayekî azad, adil û zelal bên kirin. Ger nirxên demokratîk nebin, gel nikare vî mafî bi kar bîne û nûnerên xwe hilbijêre.

Rapora Enstîtuya Navneteweyî ya ji bo Alîkariya Demokrasî û Hilbijartinê (International IDEA) ya sala 2023an, bal kişand li ser performansa nebaş a Tirkiyeyê. Li gorî vê raporê Tirkiye di kategoriya serweriya qanûnê de ji 173 welatên cîhanê di rêza 148an de ye. Li gorî heman raporê, Tirkiye di nava 4 welatên nedemokratîk ên Ewropayê de ye ku li pişt Rûsyayê ye.

Li gorî rapora International IDEAyê, di rêza dewleta hiqûqê de performansa Tirkiyeyê kêm e:

Di kategoriya dewleta qanûnê de Tirkiye ji 148 welatên cîhanê û ji 45 welatên Ewropayê ji dawiyê di rêza 2an de ye.

Di kategoriya mafan de Tirkiye di cîhanê de di rêza 129an û li Ewropayê jî di rêza 42an de ye.

Di beşa nimandin de Tirkiye li cîhanê di rêza 112an û li Ewropayê jî di rêza 42an de ye.

Di beşa beşdarbûnê de Tirkiye li cîhanê di rêza 139an û li Ewropayê jî di rêza 42an de ye.

Civaknasî nirxên demokratîk weke nirxên ku bingeha civaka demokratîk ava dikin penase dike. Armanca van nirxan, parastina maf û azadiyên bingehîn ên takekesan û dabînkirina xweşî ango refah û edaleta civakê ye.

Ji bo berdewamîya nûçeya li bianetê bitikîne.