Vîdeo Nûçe: Amedî daxwaza guhertina desthilatê dike

Bi mîlyonan karker û kedkar li seranserê cîhanê herikîn qad û kolanan û 1ê Gulanê Roja Karkerên Cîhanî pîroz kirin.

Di vê rojê da, karkerên cîhanê û sendîkayên wan daxwaza başkirina şert û mercên xwe yên xebatê kirin.

1ê Gulanê li 80 welatên cîhanê wekî cejna fermî û li hin welatan jî ne fermî hat pîroz kirin.

Îsal li Tirkîyeyê jî 1ê Gulanê di bin sîya hilbijartinên 14ê Gulanê da hat pêşwazîkirin.

Li bajarê Amedê bo 1ê Gulanê karker li qadan bûn.

Him welatî him jî sendîka û rêxistinên ked û karkeran daxwaz dikin ku desthilat bê guhertin û rewşa wan baştir bibe.