30 sal berê dema navê wê tîmê Diyarbakirspor bû çi anîn serê min

Piştî êrîşên nijadperestane yên alîgirên Bursa Sporê, serokê Partiya Neteweperest a Gelî (MHP) Devlet Bahçelîyî gotibû li gor wî cihekê bi navê Amedê çênabe hebe.

Di rojeva Tirkiyeyê de welê hat nîşandan ku ji ber navê tîmê Amedspor e êrîşên nijadperestane hatine kirin.

Bariş Karabiyikê ku salên 1993-95ê de li Diyarbakirsporê lîstikvanî kirî diyar kir ku mesele ne navê Amedsporê ye.

Li gor nûçeya Sur Ajansê dema wî li Diyarbakirsporê dilîst çûne Edeneyê û bi Adanasporê re lîstine. Dema lîstinê de bi dehan polîsan li Karabiyikî dane. Wî nekariye li hemberî vê êrîşa nijadperestane tiştekê bike û wek lîstikvanên Amedsporê li Bursayê kirî wî jî li Edeneyê lîstik dewam kiriye.