5emîn Festîvala Fîlman a Navdewletî ya Slêmanîyê bi dawî bûye
5emîn Festîvala Fîlman a Navdewletî ya Silêmaniyê 17ê vê Kanûna 2021an dest pê kiribû û 7 rojan berdewam kir. Festîval 23ê mehê di roja 7emîn de bi merasîma xelatdayînê bi dawî bû.
Li gor nûçeya Rûdawê di çarçova festîvalê de ji 35 welatan 135 fîlm beşdarî festîvalê bûbûn û 116 fîlm di pêşbirkê de bûn. Di nav wan de 57 fîlmên Kurdî hebûn û ji bo fîlmên biyanî jî jêrnivîsa Kurdî hatibû amadekirin.
5emîn Festîvala Fîlman a Navdewletî ya Silêmaniyê 17ê Kanûna 2021ê li Hola Hunerê ya Sîlêmaniyê bi fîlmê derhêner Dana Kerîm Korkî yê “Mala Daliya” dest pê kiriye.
