Axaftina kurdî li Girtîgeha Şirnexê qedexe ye!

Rêveberîya Girtîgeha Tîpa T a Şirnexê axaftina kurdî ya li ser telefonê, li malbat û girtîyan qedexe kirîye.

Li gorî nûçeya Ajansa Mezopotamyayê, piştî ku hatîye zanîn li girtîgehê axaftina kurdî qedexe ye, parêzer Fadil Tay ji bo piştrastikirina vê yekê çûye girtîgehê û ligel girtîyan hevdîtin kirîye.

Parezer Tay derbarê meseleyê da wiha gotîye:

“Me bi girtîyên sîyasî û edlî re hevdîtin kirin. girtîyan got ku midûrê girtîgehê guherî ye û bi vê yekê re zext û êriş zêde bûne. Kiryarên midûrîyeta nû ya girtîgehê li dijî qanûn, hiqûq û wijdanê ne. Girtîyan got; ‘Pirsgirêka me ya herî mezin ew e ku midûrîyetê ji me re got hin nikarin li ser telefonê bi kurdî biaxivin.’ Ev zext, hem li dijî destûra bingehîn hem jî li gorî qanûna girtîgehê xelete. Mafeke wan ê wisa tune ye û ev yek dermirovtî ye. Ev bi tena serê xwe îşkence ye.”

Ji bo berdewamîya nûçeya Ajansa Mezopotamyayê bitikîne.