Cegerxwîn dê li Mêrdînê bê bibîranîn

39 sal derbas bûn li ser mirina şair Cegerxwîn.

Cegerxwîn berîya 39 salan 22ê Çirîya Pêşîna 1984an li Stockholma paytexta Swêdê koça dawî kir.

Heta niha çendîn bername û çalakî hatine lidarxistin bo bîranîna Seydayê Cegerxwîn.

Li Mêrdînê jî bername û gotûbêjek tê amadekirin bi hevkarîya Şaredarîya Mêrdînê.

Dilawer Zeraq dê li ser mijara "Tevkarîya Helbesta Cegerxwîn a Li Mûzîka Kurdî tê" biaxive û gotara xwe pêşkêş bike.

Mizgîn Ronak jî dê li ser mijara "Cegerxwînê Bavê Min, Hêza Helbestê û Hozan Çawa Dibe Maliyê Her Malê?" biaxive û gotara xwe pêşkêş bike.

Moderatorê vê gotûbêjê Rêdûr Dîjle ye.

Di bernameyê da dê helbest jî bêne xwendin û dê Hîvron jî stranan bêje.

Bername, 25ê Cotmehê saet 18:00 li Akademîya Hunerê ye.