Erdogan dê meaşê kêmane yê bo sala 2023yan ragihîne

Medyaya Tirkîyê dîyar dike ku serokomarê welêt Recep Tayyîp Erdogan dê îro Pêncşemê meaşê kêmane ya bo 2023yan ragihîne.

Çaverê ye Erdogan dora saet 12an meaşê mînîmum eşkere bike.

Partîya Demokratîk ya Gelan (HDP) dibêje meaşê kêmane divê 12,500 lîre be.

Teklîfa Partîya Komarî ya Gel (CHP) jî 9,600 lîre ye.

Turk-Îş dide zanîn ku maleke 4 kes têde bi 7,785 lîrayan li sînorê birçîbûnê dijî.

Sendîkayên karkeran dibêjin ku li Tirkîyê rêjeya xebatkarên bi meaşê kêmane dişixulin %50 derbaz kiriye.

Di halê hazir de li Tirkîyê meaşê kêmane 5500 lîre ye ku teqabulî 295 dolaran dike.