Euronewsê bo protestoya Kurdên Parîsê got ''No Comment''

Dîmenên protestoyên Kurdan yên ser êrîşa Parîsê bi şidetê ketin rojeva ajansên navneteweyî.

AFP, Reuters û France 24ê ji protestoyan Kurdan bal kişandin ser zordestîyê.

Euronewsê jî dîmenên ji protestoyê bi ''No Comment'', ku bi Kurmancî ''Bêşîrove'' ye, weşandin.

Hin Kurdên Parîsê roja Şemîyê bo protestokirina êrîşa Înê li Meydana Le Republic kom bûbûn û bi gurbuna girjîyê re bi polîsan re pev çûbûn.

Polîsê Parîsê ragihandibû ku ser şideta di protestoyan 11 kes hatine girtin.

Di êrîşa çekdarî ya roja Înê de, ku li nêzî Navenda Çanda Kurdî ya Ahmet Kaya li dar ketibû, 3 Kurd hatibûn kuştin.