Hilbijartin: DEM Partî dê ji bo Bedlîsê îtîrazê bike

Hilbijartinên herêmî yên 31ê Adara 2024an duh bi dawî bûn.

Ji sedî 99ê dengên Hilbijartinên Herêmî yên 31ê Adarê hatin hejmartin.

DEM Partî li 10 bajaran bi ser ket û ew dê ji bo Bedlîsê Îtîrazê bike ku DEM li Bedlîsê bi 198 dengan têkçûye.

Li gorî encamên nefermî li navenda Bedlîsê AK Partîyê 8 hezar û 900 deng û Partîya Gelan a Wekhevî û Demokrasiyê (DEM Partî) jî 8 hezar û 702 deng bi dest xistine.

Li gorî nûçeya Rûdawê parlamenterê Bedlîsê yê DEM Partîyê Huseyîn Olan dîyar kir ku ew dê li dijî zêdetirî hezar dengên ku li navenda bajêr hatin betalkirin îtiraz bikin û got: Em dê îradeya gel di destê hişmendiya qeyûm û talanker de bernedin.

2 hezar û 18 dengên ku ji sindoqan derketin hatin betalkirin.

Ji bo agahîyên berfirehtir bitikîne.