Hilibijartinên Amerîkayê: Pênc rojên dawîyê û geşedanên girîng

Rewşa berendam Harris

Kamala Harris li bajarê Phoenixê axavîye û gotiye "Pênc rojên me mane ji bo yek ji hilbijartinên herî girîng ên jîyana me."

Wê bi taybetî behsa mafên jinan kiriye û rexne li Trumpî girtiye. Ew dê piştre biçe Las Vegasê û li wê derê bi hunermend Jennifer Lopez û koma Manayê re dê beşdarî çalakîyekê bibe.

Helwesta Trump li ser wesayîtên elektrîkî

Trump di civîna xwe ya li New Mexîkoyê de îdîa kiriye ku Demokrat bi zorê dixwazin xelkê wesayîtên elektrîkî bikirin. Wî gotiye ev yek wek kiryarên "gestapoyê" ne. Lê li gor pisporên îqlîmê, wesayît yek ji sedemên herî mezin ên germ bûna rûyê erdê ne.

Pirsgirêka deynê Trumpî

Şaredarê Albuquerqueyê Tim Keller daxuyandiye ku Trump ji sala 2019an vir ve 445 hezar dolar deyndarê bajêr e. Ji ber vê yekê wî îro nekarîye li navendeka bajêr civîna xwe pêk bîne û mecbûr maye li cihekê taybet civînê li dar bixe.

Dengdana pêşwext

Heya niho zêdetirî 60 milyon Amerîkîyan dengê xwe dane. Ji van dengan 32 milyon bi awayê dengdana şexsî hatine dayîn. Li eyaletên wek Pennsylvanîa, Michigan û North Carolinayê hîn jî encam nêzî hev in.

Piştgirîyên nû ji bo Harrisê

• Michael Bloomberg, serokê berê yê New Yorkê û berendamê serokkomarîyê yê sala 2020an piştgirîya xwe daye Harrisê
• Kovara The Economistê jî piştgirîya xwe ji bo Harrisê ragihandiye

Rewşa malî ya hilbijartinan

Li gor raporan, milyarderan heya niho 1.9 milyar dolar ji bo hilbijartinan xerc kirine. Beşeka mezin yê vî pareyî çûye ji bo namzetên komarxwaz. David Kassî, rêveberê ATFê gotiye ev rewş dengê hemwelatîyên asayî kêm dike.

Çavkanî: The Guardian, Botan Times 31ê Çirîya pêşîn 2024