Ji bo jiyaneka saxlem divê rojane 5 hezar gav bên avêtin
Ji mêj ve ji me re tê gotin ku meş û deh hezar gav ji bo saxlemîya laşî jimareyeka efsûnî ye.
Lê li gorî lêkolîneka nû 5 hezar gav bes in.
Li gorî lêkolînên ku li gelemperîya cîhanê bi zêdetirî 226 hezar kesan re hatine kirin, rojane 4 hezar gav bes e ku xetereya mirina pêşwext kêm bike.
Her wiha zêdetirî 2 hezar û 300 gav jî ji bo dil û damaran sûdmend in. Gava ku hûn zêdetir gavan bavêjin hûnê encamên çêtir bi dest bixin.
Li gorî Rêxistina Tenduristîyê ya Cîhanê (WHO), kêmbûna çalakîyên fizîkî her sal dibe sedema mirina 3,2 mîlyon mirovan. Li seranserê cîhanê kêm gav avêtin çaremîn sedema mirina mirovan e.
