Jineka Koreyî du zarokên xwe yên nûbûyî di sarincê da veşartine
Li Koreya Başûr jinekê du zarokên xwe kuştine û bi salan di sarincê da veşartine.
Li gorî nûçeya Birgünê, polîsekî ji parêzgeha Gyeonggî Nambuyê îddia kirîye ku jineka 30 salî, wê 2 zarokên xwe kuştine û nêzîkî 5 salan e ew di sarincê da veşartine.
Wisa tê zanîn ku niha jî 3 zarokên jinika koreyî hene û ji ber sebebên aborî wê her du zarokên xwe xeniqandine.
Hat beyankirin ku zarokên hatî kuştin bi tenê yek rojê li heyatê mane û piştî rojekê dayîka wan ew kuştine. Li gorî qeydî û belgenameyan zaroka ewil ya jinikê Mijdara 2018an li nexweşxaneyê hatîye dinyayê.
Hevserê jinikê di beyana xwe ya bo polîsan da wisa dide zanîn ku hevsera wê kûrtaj bûye û her du zarok ji ber kirine. Ji ber hindê ew ji van îddiayan bêxeber bûye.
