‘Kêm’ ji bo piştgirîya Dîwan Akademîyê dê li Amedê bê lîstin
Şermola Performans dê li Amedê ji bo piştgirîya Dîwan Akademîyê performanseka bi navê Kêm pêşkêş bike.
Ev lîstika Kêmê performanseka deng, nefes û hereketê ye. Performansa nû Kêm ya Mirza Metin ji rêzedîmenên xewnan pêk tê ku ji aliyê Hicran Demir ve tê performekirin. Di performansa Kêmê da hafizeya mîtolojîk a dengbêjan û enerjî û potansiyela cizbê ya govendan bi teknîkeka nerm a montajê tê bikaranîn.
Performansa Kêmê dê 20ê îlonê li Şanoya Bajêr a Amedê saet 19:30an bê lîstin.