Komeleya Sînemagerên Kurd a Parîsê (KOSÎ) hate avakirin

Li paytexta Fransayê ya Parîsê hejmarek ciwanên Kurd Komeleya Sînemagerên Kurd a Parîsê (KOSÎ) vekirin.

Komele dê têkilîya sînemagerên Kurd û Fransî çêbike her wiha piştgirîya sînemager û fîlmên Kurdî bike.

Komele wek berdewama Komeleya Sînemager û Televîzyongerên Kurd (KUSÎ-KURD)hatiye damezrandin.

KUSÎ-KURD, di 14ê Tîrmehê 2014an da ji aliyê hejmarek ciwanên Kurd ên li Enqerê hatibû avakirin. Piştî 2 salan ji aliyê Hikûmeta Tirkiyeyê ve hatibû girtin û cezaya madî lê hatibû birîn.

Avakarên KUSÎ-KURDê, bi heman nav û logoyê roja Înê (14ê Tîrmehê) li Parîs a Fransayê bi heman mebestê KOSÎyê vekirin.

KUSÎ-KURDê xebatên zimanî, çandî û hunerî dikirin û panel, konferansên medya û sînemayê birevê dibirin.

Komeleya Sînemagerên Kurd a Parîsê her wiha li ser hesabê xwe yê Twitterê jî damezrandina xwe ragihandiye.