Konseya Ewropayê: Yûksekdag û Demîrtaş tavilê serbest berdin

Komîteya Wezîran a Konseya Ewropayê daxwaz kir ku Hevserokên girtî yên HDPyê Selehatîn Demîrtaş û Fîgen Yûksekdag tavîlê bên berdan.

Dadgeha Mafên Mirovan a Ewropayê (DMME) der barê darizandina Fîgen Yuksekdag û Selahattîn Demîrtaşî de biryara “binpêkirinê” dabû.

Li gel biryara DMMEyê jî heta niha Dadgeha Destûra Bingehîn (AYM) têkildarî Yuksekdag û Demîrtaş tu biryar nedane.

Parêzerê Demîrtaş, Mahsûnî Karaman têkildarî biryara komîteyê li ser hesabê xwe ya Twîtterê peyamek parve kir.

Heke Demîrtaş û Yuksekdag heta rûniştina meha îlonê neyên berdan, dê komîte gavên cuda binirxîne.