Li Çiyayê Cudîyê agir bi daristanan ketîye
Li quntara Çiyayê Cûdiyê yê di navbera Silopîya û Şirnexê da ye agir bi daristanan ketiye.
Li gor agahîyên ku Ajansa Mezopotamyayê (MA) belavkirine agirî duh bi şev derketiye û her diçe belav dibe.
Partîya Demokratîk a Gelan (HDP) derbarê şewata li Çiyayê Cûdîyê daxuyanîyek belav kiriye û dibêje:
Yên li dijî xwezaya me şer dane dest pê kirin, bi şewata daristanan a bi salan e bi awayekî sîstematîk dewam dikin, ekosîstema me tine dikin. Şewata ku li Cûdîyê dest pê kir û destûr nehat dayîn mudaxele lê bê kirin, dewama polîtîkayên dijminatîya li dijî Kurdan e.
Li gor agahîyên ku MAyê ji herêmê girtine, cihê ku agir pê ketiye nêzî qereqola leşkeran e û bi tu awayî ji bo vemirandina agirî destûr nayê dayîn.
