"Li Şirnexê 500 hezar ton dar hatine birîn"

Li Şirnexê ev demek e bi hêceta ‘ewlehîyê’ darên li çîya û zozanan tên birîn.

Parlamentera Partiya Çepên Kesk (YSP) Sumeyye Bozê li parlementoyê behsa mijara birîna darên li Şirnexê û li bajarên din yên kurdan kir.

Boz, di axaftina xwe ya li Parlamentoya Tirkîyeyê ragihand ku heta niha tenê li Şirnexê di sê salan da zêdeyî 500 hezar ton dar hatine birîn.

Li devera Zozonên Şênê yên Mûşê ji ber 'ewlehîyê' bi hezaran dar hatine birîn. Ji aliyê din ve ji bo çêkirina rêyên qereqolan çem tên dagirtin.

Li Kurdistanê bi birîna daran surişt tê tunekirin û mirovan neçarî koçberîyê dikin. Em van polîtîkayên ewlehîyê qebûl nakin. Hûn dê kengî dawîyê li van polîtîkayên talanê bînin. Hûn dê kengî midaxeleyî vê talana suriştê bikin?

Sumeyye Boz