Mûçeya herî kêm li hemberî Dolarê Emerîkî dihele

Nirxê Lîreyê Tirkan li hember dolar her diçe kêmtir dibe. Ji mûçeya herî kêm, di 10 rojên dawî 55 dolar kêm bûye.

Mûçeya karker û karmendan di serê salê da wekî 8 hezar û 506 lîreyan hatibû diyarkirin. Ev yek jî tekabûlê 454 Dolarên Emerîkî dikir.

Lê piştî hilbijartin bi dawî bûn, pêşî li bilindbûna Dolarê Emerikî jî nayê girtin.

Di 8 Gulanê da mûçeya herî kêm bi rêjeya dolarê emerikî  425 bû. Lê  îro dolar di asteka zêde da bilind bû û derket 23yan.

Li gorî vê, ji îro pê ve mûçeyê herî kêm bi qasî 365 dolaran e.

Ev yek jî dide nîşan ku mehaneya herî kêm a karmend û karkeran ji serê salê ve 89 dolaran, di 10 rojan da jî 60 dolar helîyaye.