Pasaporta herî bihêz a cîhanê diyar bû

Sîngapor bû xwedîyê pasaporta herî bi bihêz a cîhanê.

Li gorî Endeksa Pasaportê ya Henleyê, kesên xwedî pasaporta Sîngaporê bin dê bikaribin bêyî vîze biçin 192 welatan.

Li pey Sîngaporê Almanya, Îtalya û Spanya tên û di rêza duyemîn da cih digirin. Kesên li van welatan dijîn dikarin bêyî vîze biçin 190 welatan.

Awustirya, Fînlandîya, Fransa, Luksemburg, Koreya Başûr, Swêd û Japonya jî di rêza sêyemîn da cih digirin û welatîyên van dewletan bêyî vîze dikarin biçin 189 welatan.

Li gorî endeksa hatî belavkirin, kesên xwedî pasaporta Tirkîyeyê bin jî, dikarin biçin 114 welatan.

Pasaportên herî qels ên cîhanê: Afganistan, Sûrîye û Iraq

Afganistan, Sûriye û Iraq di rêwîtîya bêvîze da tenê 27 pûan bi dest xistine. Di bin Endeksa Pasaporta Henleyê da dimînin û dibin sê pasaportên herî qels ên cîhanê.