Podcast Kurdiyê û Podcast Akademiyê kargehehên podcastan pêk anîn

Podcast Akademiyê û Podcast Kurdiyê di 9-10ê Îlonê de di çarçoveya bernameya taybet bi navê ‘’Kargeha Podcastê ya Rojnamegeran’’ li Wan û Mêrdînê kargehên podcastan pêk anîn.

Kargehek li Wanê di 9ê Îlonê de li SerhatNewsê û kargehek li Mêrdînê di 10ê Îlonê de li Baroya Mêrdînê birêve çûye.

Li gor agahîyên PodcastKurdîyê ji Botan Timesê re dîyar kirine:

Di kargehan de damezrînerê Podfreshco Aykut Îbriîşîm damezrînerê Podcat Kurdiyê Mehmed Salih Bedirxan Berpirsaî Projeyên Podcast Kurdiyê Dilek Durgun û damezrînerê Apostoyê Umutcan Savci gotar pêşkêşkirine.

Aykut Îbrîşîm di gotarên xwe de behsa azmûnên platformên podcastê li cihanê Amerîka û Tirkiyê kir. Herwisa Umutcan Savci jî di gotarên xwe de behsa azmûnên Apostoyê yên podcastê kir.

Mehmed Salih Bedirxan di gotarên xwe de behsa platforma podcastê kir û karîgeriya platforma podcastê weke platformeka dijital û altenatîf şîrove kir.

Dîlek Durgûnê jî di gotarên xwe de behsa azmûnên Podcast Kurdiyê yên belavkirina podcastan kir û derbarê çawaniya çêkirina podcastan de agahiyên xwe bi beşdaran re parve kir.