Hesen Hişyar Serdî di bîranînên xwe de behsa roja dawiyê ya digel Doktor Fûad kiriye.
Bıryara îdamkirina Dr. Fûad
Biryarên Mehkemeya Îstiqlalê ya Rojhilatê, Çavkanî: Malpera Meclîsa Tirkiyeyê (TBMM)
Hejmarê Dosyaya Dadgehê: 1
Hejmarê Biryarê (Îlam): 2
Heyeta Dadgeran: Heyeta berê (ya ku li jorê hatî diyarkirin)
Derbarê bersûcê ku bi îdiaya xiyaneta li welat a bi armanca avakirina Kurdistaneke serbixwe dihat tawanbarkirin; bijîşkê serbixwe Dr. Fûad Efendî yê kurê Hacî Îbrahîm ê ku 37 salî ye, li Diyarbekirê ji dayik bûye û li wir rûniştî ye, di encama mehkemekirina wî de hate fêmkirin ku:
Bersûc Doktor Fûad Efendî, avakirina Kurdistaneke serbixwe wekî armanca jiyana xwe û mijûlahiyeke siyasî qebûl kiriye. Ji ber vê yekê, wî di nav wan kesan de cih girtiye ku ji bo li dijî yekîtiya siyasî ya Tirkan û Hikûmeta Tirkan, li navxweyî welat, serhildan û rûbûneke çekdarî derxin, hewldan nîşan dane. Di vê çarçoveyê de rûdana serhildana Kurdan plan kiriye, teşvîq kiriye û hêsan kiriye.
Ev rewş; bi îkrar û lihevhatinên wî yên nerasterast ên berê û paşê, bi şêwazê îfadeyên wî, bi bidestxistina nameya ku bi destnivîsa wî hatî nivîsandin û daxwazên cudaxwaziyê tê de hene, bi naveroka kaxizên zaptê û pelên lêkolînê, û her wiha bi daxuyanî û şahidiyên bi sond ên şahidan ên li gorî pileyên wan hatine îspatkirin. Her weha ji naveroka dozê û ji îkrara wî bixwe jî hatiye fêmkirin ku bersûc bi van cure kiryar û tevgeran re rûniştî ye (hêmanên wusa di jiyana wî de hene). Bi van delîl û nîşanên hiqûqî yên ku pişta hev digirin, sûcdariya wî gihîştiye asta îspatê û bi vî awayî qenaeta wijdanî pêk hatiye.
Li ser vê bingehê, bi yekdengî û li rûyê wî de biryar hat dayîn ku bersûc Fûad Efendî, bi awayê ku hatî ravekirin, kiryarê xiyaneta li welat encam daye û sûcdar e: 16ê Nîsana 1925an (22yê Remezana 1343an)
Dadger: Avnî, Elî Saîb, Mazhar, Mufîd
Berdewamiya Biryarê (Beşa Cezakirinê):
Dema ku li ser aliyê cezakirinê yê mijarê nîqaş hat kirin: Hat dîtin ku tevgera sûcdarê navborî Doktor Fûad Efendî yê kurê Hacî Îbrahîm, bi wesîteya xala 45an a Kanûna Cezayê, li gora xala qanûnî ya ku li ser fasla yekem a baba yekem a qanûna navborî hatiye zêdekirin e. Ji ber vê yekê, li gorî hukmê xala navborî, dîsa li rûyê wî û bi yekdengî biryara sêdaredana (îdama) wî hat dayîn: 16ê Nîsana 1925an (22yê Remezana 1343an)
Şair, nivîskar, podcaster. Ji 2017an heta 2025an li servîsa Kurmancî ya Voice of America edîtorî kir. Niha bi destekên guhdaran dîrektorîya Perxudres Podcastê dike.
