Pûtîn qanûn pejirand: Guhertina zayendê êdî li Rûsyayê qedexe ye

Li Rûsyayê qanûna qedexekirina emeliyatên guhertina zayendê û dermankirina hormonan ji aliyê serokê dewleta Rûsyayê Vladimir Pûtîn ve hat erêkirin û ket meriyetê.

Qanûna ku li welêt ketiye merîyetê, rastî rexneyên bijîşk û ​​parêzvanên mafên mirovan tê.

Doktor û parêzvanên mafên mirovan, ji ber astengkirina xwegihandina alîkariya tibbî ya kesên nasnameyê wan yên zayendî cûdatir in ji yên biyolojîk û ji ber binpêkirina mafê tayînkirina qedera xwe rexne li biryara hikûmetê girtin.

Herwiha qanûn zewaca wan kesan jî betal dike yên ku piştî guhertina zayendê zewicîne.

Biryara ku rastî rexne û nerazîbûnan hatiye, li ser malpera fermî ya hikûmetê hatiye weşandin û ketiye merîyetê.