Rêzan Diljen dê xelata Arjen Arîyî wergire

Xelata Pêşbirka Helbestan ya Arjen Ariyî dê bi merasîmêkê bê dayîn.

Xelata Pêşbirka Helbestan ya Arjen Ariyî her sal tê dayîn. Di encama nirxandina dosyeyan da kesek ji alîyê desteya hilbijartinê ve tê hilbijartin û xelatkirin.

15yê Gulanê, desteya ku ji Lal Laleş, Îrfan Amîda, Zahir Kayan, Yehya Omerî û Necla Ariyê pêk hatibû, piştî nirxandina dosyeyan, biryar dabû ku dosyeya Rêzan Diljenî ya bi navê “Deftera Qetayî” bê xelatkirin.

Xelatgirê dawî yê Pêşbirka Helbestan ya Arjen Ariyî Rêzan Diljen dê li Amedê, li Salona Konferansê ya Odeya Mîmaran 11 Mijdarê saet 18:00an bê xelatkirin.