Rojnameger Safîye Alagaş hat tehlîyekirin

Rojnameger Safîye Alagaş di yekemîn danişîna doza wê da hat tehlîyekirin.

Midûra Nûçeyan a JINNEWSê Safîye Alagaş ev salek e bi îdîaya 'endamtîya rêxistina terorê' hatibû girtin. Îro li 5emîn Dadgeha Cezayê Giran a Amedê yekemîn danişîna doza Alagaşê hat kirin.

Alagaş û parêzerên wê di danişînê da amade bûn.

Endamên Platforma Rojnamegerên Jin ên Mezopotamya (MKGP), Komeleya Rojnamegerên Dîcle Firatê (DFG), temsîlkarê Tirkîyeyê yê Rêxistina Rojnamegerên Sînornenas (RSF) Erol Onderoglu û gelek rojnameger danişîn şopandin.

Piştî parastina Alagaş û parêzer Resûl Temûr dadgehê biryara tehlîyekirinê Alagaşê da.