Romana nû ya Burhan Sönmezî ya bi navê “Neynika Sor” ji Weşanxaneya Avestayê derketiye. Ev pirtûk li ser bîranîn, mirin û bendewarîyê sekinî ye. Nivîskar di vê berhemê de xwendevanan dibe nav deryayên tarî yên hafizeyê/birê. Sönmezî piştî nivîsandina pênc romanên bi zimanê tirkî, dest bi nivîsandina bi zimanê kurdî kiriye. “Neynika Sor” romana duyemîn a nivîskarî ya bi zimanê kurdî ye.
Jiyana lehengî û xebatên wî yên navneteweyî
Nivîskarê kurd li navçeya Heymaneyê hatiye dinyayê. Sönmez mezûnê Fakulteya Hiqûqê ya Zanîngeha Stenbolê ye. Ew di dema parêzerîya mafên mirovan de di êrîşeka polîsan de bi giranî birîndar bûye. Nivîskar ji ber sedemên siyasî çûye Brîtanyayê û li Londonê, demekê dirêj hatiye dermankirin. Ew wekî Serokê PENa Navneteweyî û endamê akademîya Zanîngeha Cambridgeê kar dike.
Xelatên nivîskarî û xebatên dî yên çandî
Romanên Sönmezî ji 50 zimanan zêdetir hatine wergerandin. Nivîskarî gelek xelatên giring ên wekî Hemingway û Vaclav Havel wergirtiye. Wî di jurîyên gelek çalakiyên navneteweyî de cih girtiye. Sönmezî her weha ji bo rojnameyên navdar ên wekî La Repubblica, Der Spiegel û The Guardianê nivîsandiye. Pirtûka wî ya nû ji 208 rûpelan pêk tîne.
Botan Times
