Sempozyûma navnetewî ya Nûbiharê 4-5ê Gulanê dest pê dike
Nubihar li ser navê kovara akademîk ya Nûbiharê 4-5ê Gulanê sempozyûmeka navnetewî li dar dixe.
Sempozyûm bi navê Sempozyûma Navneteweyî li ser Ziman, Edebîyat û Zanistên Civakî -I- tê lidarxistin.
Wan di kataloga xwe ya sempozyûmê da destnîşan kirîye ku wekî kovargerîya akademîk vê qadê jî bikin meydaneke berhemdar ji bo geşkirina berhemanîna zanyarîyên zanistî yên li ser ziman, edebîyat û dîsîplînên civakî yên kurdî.
Wan bang li hemû vekolerên welatî û bîyanî kiribû ku bi xebatên xwe yên hêja sempozyûma wan dewlemend bikin.
Encamên serlêdanên sempozyûmê û beşdaran dîyar bûn.
Mijarên sempozyûmê di çarçoveya vekolînên kurdî da li ser ziman, edebîyat û hemû zanistên civakî ye.
Sempozyûm du rojan (4-5ê Gulanê) berdewam dike û ji 21 rûniştinan pêk tê.
Piştî sempozyumê dê nivîsar wekî kitêb ji alîyê Nûbiharê ve bêne çapkirin.
Di sempozyûmê da nivîskarên Botan Timesê yên wekî Sevda Orak Reşitoğlu, Zülküf Ergün, Serdar Şengül û Shahab Vali cih digirin.
Ji bo agahîyên berfirehtir ên li ser sempozyûmê bitikîne an jî li ser PDFa jêrê bibîne.
