Serokwezîrê Hollandayê dev ji siyasetê berda
Serokwezîrê Hollandayê Mark Rutte, piştî têkçûna hikûmeta koalîsyonê dev ji siyasetê berda.
Serokwezîrê 56 salî yê ku 13 sal in welêt bi rê ve dibe, dev ji serokatîya partîya xwe jî berda.
Rutte, heta hilbijartinên pêşwext yên ku bo Mijdara 2023yan tê pêşbînîkirin, dê wezîfeya xwe ya serokwezîrîyê bidomîne. Piştî hikûmeta nû ava bibe, dê bi temamî destê xwe ji sîyasetê bişo.
Li Hollandayê hikûmeta koalîsyonê ya ji 4 partîyan pêk tê, ji ber sebebê neliheviya koçberî û îltîcayê roja înê têk çûbû.
