Weqfa Mezopotamyayê 5emîn kursa folklora kurdî li dar xist

Weqfa Mezopotamyayê ji bo gihandina berhevkaran navbera 18-23ê Tîrmehê 5emîn kursa xwe ya folklara kurdî li Wanê li dar xist.

Weqfa Mezopotamyayê, her sal ji bo gihandina berhevkaran li ser folklora kurdî bi beşdarîya gelek folklorîst û akademîsyenan kursan pek tîne.

Kursa ku li Wanê rûbirû hatiye pêkanîn bi beşdarîya 20 kesan şeş rojan berdewam kiriye.

Dersdarên kursê tev ji akademîsyen û mamosteyên pisporên folkorê pêk dihatin û xwedî tecribeyên bi salan in, li ser gelek mijar û dîsîplînan ders dan.

Xwendekarên ku beşdarî van kursan dibin û sertîfîkayan distînin dest bi berhevkarîyê dikin. Xebatên ku berhevkar amade dikin ji alîyê Weqfê ve têne çapkirin.

Weqfa Mezoptamyayê, ev deh sal in li ser ziman û folklora kurdî kar dike.