Weşanxaneya Nûbiharê 3 kitêbên nû çap kirin

Weşanxaneya Nûbiharê 3 kitêbên nû çap û belav kirin.

Xebata nivîskar Barış A. Çobanoğlu ya bi navê Bir Asimilasyon Aracı Olarak Kentler ve Kürtler (Wekî Amûreke Bişaftinê Bajar û Kurd) derket. Kitêb behsa polîtîkayên bişaftina kurdan a bi rêya sirgûnkirinê dike.

Kitêba duyem romana Nexweşxaneyê ye ku nivîskarê wî Mezher Bozan e. Bozan li ser hal û rewşa derûnî ya lehengê serekî yê Dawûd hûr dibe. Dawûd qonaxên curbicur derbas dike û di dawîyê de pêdîvîya wî bi alîkarîyê heye ku divê derûnîya xwe baş bike.

Du Sêwî -Çîrokên Jiyayî jî ji alîyê Süleyman Demirkol ve hatiye nivîsîn. Süleyman Demirkol serpêhatî û bûyerên ku li der û dora wî qewimîne berhev kirine û xistine nêv kitêba Du Sêwî -Çîrokên Jiyayîyê.