Wezareta Tenduristiyê 5 ziman li malpera xwe zêde kirin, lê kurdî lê zêde nekir

Wezîrê Tenduristiyê Fahrettîn Koca ragihand ku wan 5 ziman li pergala E-Reçeteyê zêde kirine.

Di nav wan ziman da Erebî, Îngilizî, Almanî, Fransî û Rûsî hene lê kurdî nîne.

Nebûna kurdî ya li ser malpera wezaretê li ser medyaya civakî bû sedema bertakan.

HDPyê jî li ser hesaba xwe ya Xê (Twitterê) kurdbûna Fahrettîn Kocayî bibîr xist û got: “Kurdên ku piştgiriyê didin AK Partîyê, gelo hûn jî van pirsan nakin? Birêz Fahrettin Koca qet nebe hema tu li zimanê xwe jî xwedî derketa.”