Cegerxwîn û Arjen Arî dê bi gotûbêjekê bêne yadkirin
Bi boneya yadkirina koça dawî ya Cegerxwîn û Arjen Arî dê gotûbêjek bê kirin.
Bername bi hevkarîya Komeleya Wêjekarên Kurd, Komeleya lêkolînên Ziman û Çandên Mezopotamyayê û PENa Kurd tê amadekirin.
Moderatorîya gotûbêjê ji alîyê Fatime Tekînê ve tê kirin ku dê Îrfan Amîda û Rêzan Diljen li ser mijara Ji Cegerxwîn Heta Arjen Arî Helbesta Kurmancî pêşkêşîyên xwe bikin.
Herwiha dê Fatêxan û Roza Metîna di bernameyê da helbestan bixwînin.
Bername li Şaxa Hejmara 1ê ya Egitim-Sena Amedê 4ê Mijdarê saet 15:00an dest pê dike.
