Festîvala li Çewlikê hat betalkirin: 'Cîh nîne'

Festîvala Çand  û Xwezayê ya ku dihat xwestin li navçeya Gêxî ya Çewlikê bê lidarxistin ji aliyê qeymaqamtiyê ve hatiye betalkirin.

Yekîtiya Komeleyên Gêxiyê (KÎDEB) amadekarî dikir ku festîvala xwe di navbera 12-13'ê Tebaxê da lidarbixin. Lê qeymeqamtiya navçeyê bi hinceta ku cihekî guncaw nîne û belge kêm in festîvalê betal kiriye.

Li ser betalkirina festîvalê KÎDEBê jî gotiye, “Ev nêzîkatiya bi hincet eger ne siyasî be çi ye?”

Her wiha komeleyê di daxuyanîya xwe da destnîşankirin ku ev biryar ne di niyeta baş da ye  û gelê herêmê xistiye nava tengasiyê.