Fîlma 'Bîraxane'yê dê li çar bajaran bê nîşandan

Fîlma Bîraxaneyê ku derhêner û senarîstê wî Bilal Korkut e dê li bajarên Batman, Amed, Mêrdîn û Wanê bê nîşandan.

Bîraxane sala 2022yan li Mêrdînê hate teswîrkirin. Fîlm li yek mekanî derbas dibe û mijara fîlmê li ser helbestên şaîrê navdar ên Arjen Arî hatiye raçandin.

Filma Bîraxaneyê promîera xwe ya cîhanî li 9emîn Festîvala Fîlman a Netneteweyî ya Duhokê pêk anî.

Hisên Hesen, Rowal Navgundî, Yavuz Akkuzu, Kemal Ulusay û Hilmi Demirer wekî lîstikvanên serekî di fîlmê rol digêrin.

Piştî demeka dirêj fîlm dê li çendîn bajarên kurdan bê nîşnandan. Bernameya nîşandanê fîlmê;

2yê Îlonê li Şanoya Rûtuela a Batmanê saet 20:00ê,

3yê Îlonê li Bezgin Bekira Amedê,

6 û 7ê Îlonê li Şaneşîna Mêrdînê û li Nisêbînê,

9ê Îlonê li Wanê di çarçoveya chalaKİNOyê dê bê nîşandan.

Bîraxane, yekem fîlma dirêj ya honakî ya Bilal Korkutî ye. Korkut, heta niha kurtefîlmên wekî Li Pey Nanê Xwe, 2 Rapor Ji Akademîyê Re, Ez Tusubasa Me û Çi Bikim? berhem anîne.