Li Amedê îşaretên trafîkê yên kurdî jê birine

Li Amedê îşaret û hişyarîyên trafîkê yên kurdî jê birine.

Nayê zanîn ka kê ew îşaretên li ser rêyan jê birine.

Li Amedê, li ser rêyan bi kurdî û tirkî hişyarîyên trafîkê hatine nivîsîn ji alîyê Şaredarîya Amedê ve ku rêveberîya wê di destê DEM partîyê daye. Li ser rêyan “Pêşî Peya - Önce Yaya” û "Hêdî - Yavaş" hatibû nivîsîn.

Li gorî nûçeya Rûdawê, li navçeya Rezan a Amedê, li Cadeya Gewranê nivîsa trafîkê ya “Pêşî Peya” û "Hêdî" ji alîyê hinek kes an kesan ve bi boyaxa reş jê hat birin.

Heta niha sazîyên ewlehîyê û Şaredarîya Bajarê Mezin a Amedê li ser bûyerê ti daxuyanî nedane.

Hefteya borî, heman bûyerê li Wanê rû dabû û li wir jî îşaret û hişyarîyên kurdî hatibûne jêbirin.