Polîsan bi ser avahiya Îdirê ya DEM Partiyê de girt

Polîsan vê sibê bi ser avahiya Rêxistina Partiya Demokrasî û Wekheviyê ya Gelan (DEM Partî) ya Îdirê de girt.

Li gorî nûçeya Ajansa Mezopotamyayê hêzên taybet yên polîsan tevahiya kolan û cadeyên derdikevin avahiya partiyê girtin.

Sedema serdegirtinê diyar nîne û lêgerîna li avahiya partiyê didome.

DEM Partiyê daxuyanî da

Derbarê serdegirtinê de Navenda Giştî ya DEM Partiyê ragihand ku hevserokên bajar hatine desteserkirin.

Daxuyaniya DEM Partiyê weha ye:

"Avahiya me ya Îdirê ji aliyê polîsan ve hatiye dorpêçkirin û di nav de Hevserokê me yê Bajêr jî hene, desteserkirin pêk hatiye. Polîs û daraz bûne darê destê desthilatê û bi her pêngavê re mafê siyaseta demokratîk asteng dikin û vê didomîne.”

"Ev hewldan vala ne. Hûn ê nikaribin bi hedefgirtin, desteserkirin û girtinan yek endamekî me jî bixin çogan."